Corpus Viewer
Root / 中國漢文 / clean / 清朝 / 大清 / 身體理 / 身體理__juan_03.txt
第節
通身軀兮內面約略有外枝骨，遮兮骨頭相食穿來做一个骨骼；譬如親像
第節
骨是不只有路用兮物；一項是會保護內面較軟弱，較軟兮物；親像頭顱（就是頭殼骨）會保護腦，抑是脅骨會保護心佮肺。閣一項，骨是儼硬兮物免得予身軀軟軟，若無骨儂欲會行，會徛？
第節
遮兮骨通分四款，就是長兮、短兮、扁兮、無形兮（講無形意思毋是袂看見，是無名通號。）骨雖然是儼硬兮物，猶久毋是不只重，是輕漂兮物。長骨兮內面有空殼親像竹管仔，所以會輕閣勇勇。空內有骨髓佇咧，骨髓兮色緻黃，會含油。
第節
遮兮骨是兩號質來合成兮，一號是礦物質，一號是生物質。
設使將骨來熬到忝忝，就會得著彼个生物質，就是膠。
抑是骨下佇火來烰，生質就攏總燒去，所留咧是彼个礦物質若定，就是親像彼个款式。
儂細漢兮時即兩號兮質是對半，按呢囡仔兮骨是較軟，所以若跋倒就較袂拍折骨頭。
到中年有生質一份，礦物質兩份，所以骨較硬淨。到老，礦物質較濟，生質較少，所以老儂兮骨較脆，設使跋倒伊兮骨快快會折。